電子神童

moShow正式啟播！

2005-07-28T17:06:00.000+08:00

全球第一個moCasting節目moShow正式啟播！多謝大家一直以來支持我地，現在你地可以上網或者用手機聽我地既節目喇，快d去http://moshow.mocasting.com 聽啦!如想用手機下載，請到www.mocasting.com/mo/。

我的Blog亦會變做moBlog，即係可以用手機都可以寫的Blog，網址係http://vivien.mocasting.com

聽完記住俾d意見我地呀。

我地返來喇!

2005-07-18T15:24:00.000+08:00

多謝大家一直以來咁支持，不斷上呢個blog 同 email 俾我。我同華夫係月尾會用嶄新的形式再次同大家係空氣中見面，大家記住留意呢個blog的公布。

近來無update個blog，因為忙於籌備呢個新節目。新節目亦將會有個official blog site，開左一定話俾大家知!

多謝各位聽眾支持

2005-06-12T02:24:00.000+08:00

一網打盡曲終人散，最後一day小君帶埋相機狂影。我呢好彩不嬲都有相機跟身。不過呢，大家真係有d唔捨得。

今晚收到好多聽眾的email同在blog度留言，有最新的動態我一定會公布。我仲有個個人blog在http://hompy.netvigator.com/main/page/razzberry，得閒可以去睇睇。

真係多謝晒大家一直以來咁支持!Keep in touch!

sooff.com網上有個家

2005-06-11T01:59:00.000+08:00

仲記得以前人人都有個homepage的年代嗎？家陣，我地變左個個都有blog，但將來，可能人人都有網上的家。最近，我發現一個網站好得意，係純本地製作，仲Beta Testing緊。呢個網就係sooff.com . 聽網主講，sooff即係show off咁解，主要係想網友show off自己的talent，無論係唱歌跳舞畫畫定影相，只要係audio/video/圖的format就可以show 出來。另外，所有member都會有自己的avatar公仔同屋企，你可以買衫買傢俱。有d傢俱係有特別function的，例如plasma TV同電腦，你一click佢就會去到一d mini game，相簿就會去到你個online photo album。

聽網主講，佢地快將正式啟用，而且會搞好多活動，仲話已經同某些電影合作搞casting選角。近排我就成日上去泡，個forum都幾熱鬧。你地得閒可以上去睇下我係唔係度，同我打個招呼，或者去我"屋企”坐下!

網址： http://www.sooff.com

星期六一網打盡最後一輯RTHK Radio 2見

2005-06-08T11:17:00.000+08:00

天下無不散之延席，呢個Saturday係節目最後一輯，真係好唔捨得大家。記住今個Saturday 6pm-8pm香港電台第二台。

不過呢，遲下我同華夫會做得high tech d，將節目搬上網同手機，不久的將來再同大家見面，大家記住繼續支持呀!

Stackopolis

2005-06-04T11:01:00.000+08:00

Stackopolis驟眼睇以為係sim city但其實係一個puzzle game。一開始你會有盤亂疊既積木，你要照住個圖(有數字指示)切出個完成的建築物，先叫過關，仲要唔好超過限定時間。每過一關下一關就會越難，最重要係睇清楚個圖，只郁應郁幾方塊，否則會好快死!

網址: http://www.miniclip.com/stackopolis/stackopolis.htm

我的Homepy

2005-05-31T17:34:00.000+08:00

http://hompy.netvigator.com/main/page/razzberry

測試階段，我都唔知寫咩好

彈蛋人

2005-05-28T11:12:00.000+08:00

呢個Game勁好玩。你要操控隻蛋，首先拉個角度彈佢上去囉個丫叉，然後就會有個platform同條梯走出來，你第2個目標就係要彈去個platform度先會過關。你會發覺越來越難，因為越來越多罅，好容易跌落街架....

網址： http://game.sina.com.hk/cgi-bin/g/fl.cgi/8620

Guess-the-Google

2005-05-14T15:46:00.000+08:00

呢個星期收到一個Friend的email話有個好Game玩，呢個Game叫Guess-the-Google。有位仁兄，佢曾經開發左Montage-a-Google，係用google search圖的功能，將同一個keyword所search出來的圖像自動砌出100格的圖出來，驚為天人，好多人都用呢個方法做desktop wallpaper。佢將呢個技術發展成一個Game，不過邏輯就係相反。佢會俾一幅20格的圖你睇，你就要估用咩keyword在Google search圖會得出呢20個圖像。你只係得20秒時間，20秒裡面盡量估，估得越多圖就越高分，仲可以上排行榜添!

網址： http://grant.robinson.name/projects/guess-the-google/

逃出博物館

2005-05-07T15:23:00.000+08:00

密室逃走Game有一排好hit，連明星都玩，一時間好紅。今次呢個呢，係由聽眾阿Dick推介，都係密室逃走一類，不過呢，今次係逃出博物館，唔知係唔係想食住Da Vincci Code條水呢？

呢個Game除左係行來行去執野之外，其實解迷的比例較多。好多都唔係直接話入密碼，開鎖就可以完成，一定要動下腦，留意下周圍的事物。再白d我都唔講，否則就唔好玩。你玩玩下玩唔掂，可以問我或者去個Game的討論區逛下啦。我就用左大約一個鐘逃出，之後佢會send email恭喜你架。

網址： http://www.anodeetcathode.net/games/museum

RuneScape

2005-04-23T17:42:00.000+08:00

今次呢個Game，叫RuneScape，係一個網上多人連線RPG。玩法同普通RPG差唔多，不過呢，呢個雖然係連線Game，但係完全免費的，唔駛買碟又唔駛買點數卡俾月費。質素雖然唔係太好，但係唔駛錢，無所謂啦。

呢個Game同一般RPG Game一樣，你有好大的地圖可以行，可以在不同的地方學習或練習新技能，練到咁上下你亦可選擇你的職業。另外，亦會同其他RPG一樣，都會有d mission，等你地可以升級或加分。

要玩只要到http://www.miniclip.com/runescape_game.html登記一個account，就可以。唔識點操作？你一入去就有tutorial，每版有不同的虛擬導師教晒你所有求生技能同個Game的玩法，所以唔駛怕。另外如果你部電腦好OK的，可以選擇高解像玩法，靚好多呀。

網址：http://www.miniclip.com/runescape_game.html

全職殺手

2005-04-09T03:16:00.000+08:00

有位自稱劉德華Fans的朋友email一個叫全職殺手的game給我。呢個Game有d似街機既Sniper Shot，不過當然係簡單d啦。例如圖中呢一版，你有20發子彈，要射12個人。前面11個man in black都唔會郁，所以好易射，但射miss左d人就會反擊你，記住你得唔條命咋。不過咁，呢11個人都唔郁，你都射唔中就真係抵你死。到射晒呢11個西裝友，螢幕中間就會立即閃出一個大佬，佢非常快手又避得快，你如果唔快手射低佢，就算你之前留左5條命，你都會好快Game Over呀。

網址：http://www.andylau.com/fulltimekiller/game/shoot.html

Panda Craze

2005-04-02T16:51:00.000+08:00

個畫面係咪好似以前陳年的Donky Kong呢？其實呢隻Panda Craze都係要爬來爬去，不過就唔係避野跌落黎，亦都唔係有大猩猩。呢個Game的主角，顧名思義就係熊貓。隻熊貓有個任務就係要點晒d燈籠。不過都要巧智力，因為佢只係識行，識爬，但唔識跳高，所以某d位你就要佢高空墮下先可以點到燈。仲有，你見有泥的話，用s或d鍵就可以掘窿，不過呢，d泥會生返出來，所以要手腳快，萬一行左落去個窿，頭頂的泥生返出來就會被活埋。

網址：http://zone.msn.com/en/pandacraze/default

變態射人Game

2005-03-12T18:38:00.000+08:00

有位朋友send左呢條link俾我, 玩到笑爆嘴. 玩法係, 你要用彈個人出去, 彈得越遠越高分. 但要小心, 地上有其他人. 如尼撞落呢d人度, 一係就會減慢速度彈得唔遠; 一係就撞正個幫你加速的人, 幫你彈得遠d.

網址: http://gprime.net/game.php/nanacacrash

加數Game

2005-03-05T04:00:00.000+08:00

你心算叻唔叻？依家太多人依賴手機同palm計數，好多人，好似我咁，心算都退步晒。呢個Game正好考考大家! 首先右上角會有個數目，你要在左邊的數字堆中，選出加埋等如右邊數目的數字，用幾多個數字加埋都得，越多個加埋就越高分。不過小心如果用晒數字堆中的細數，你在後尾就會好難玩。如果配唔到，Game Over呢，留得越多數字在左面就會越扣得多分。

網址：http://www.crazyhill.com/hung/game02/additup.swf

Mario Shooter

2005-02-19T14:57:00.000+08:00

瑪里奧玩得多，呢個改篇版你玩過未？呢個係叫Mario Shooter，你可以用錢買不同武器射敵人，果d敵人其實係原裝Mario被踩的東西。如果敵人入侵堡壘就會扣生命，扣得多就Game Over。如果你射中敵人就可以有錢，越多錢就可買越大射擊範圍的武器。

網址：http://game.sina.com.hk/cgi-bin/g/fl.cgi/8387

又有Gmail送

2005-02-12T10:35:00.000+08:00

呢排Gmail傻左，好多Gmail用戶都發覺無啦啦有50個invitation，我都係一樣。我要50個invitations無咩用，因為以前咁多invitations都已送晒比我識既人。今日節目內我會送出50個Gmail account，大家記得留意收聽。

情人節應節Games

2005-02-12T10:24:00.000+08:00

星期一就係情人節，今期我地都應下節，玩下情人節Games。

日本女仔係情人節一定會親手整d朱古力呀，蛋糕之類送給男友，我係網上就搵到一個日本整蛋糕Game，你要每個Step跟足指示做好，例如發蛋要發得夠，焗要時間準確，唧Cream都要唧得剛剛好個男友先會笑呀。

網址: http://game.sina.com.hk/cgi-bin/g/fl.cgi/8212

另一個同系列的，係整曲奇餅。呢一個除左要發蛋仲要係有限的餅皮面積中用餅模印出最多餅。

網址：http://game.sina.com.hk/cgi-bin/g/fl.cgi/8166

仲有一個係港產的整蛋糕Game，作者係上次茶餐廳Game果位，呢個要考埋記憶力，因為你要照圖示裝飾蛋糕，要記熟個位置否則都好難做到一模一樣。

網址：http://www.maggiemarket.com/animation/game/2004cake/cake.htm

恭賀新禧

2005-02-10T18:00:00.000+08:00

今日大年初二，我祝各位萬事勝意，身體健康。

講真新年其實都幾悶，除左打機外，我都煲左幾隻VCD同DVD。最印象深刻係不瘦降之迷。嘩，尋晚睇完覺得好滯，仲想嘔呀。今日都唔係好想食野...哈，效力宏大，令人厭食呀...

無論如何，健康真係好重要，所以，大家都係小心食野，新年太多肥膩食物，大家要節制呀。

超人特工隊

2005-02-05T16:37:00.000+08:00

尋晚睇左超人特工隊，非常好笑，Pixar在annimation的工力又有一大進步，冷衫既texture好真，公仔頭髮做得好靚(好似barbie公仔頭髮)。

套戲剛上，我就見人排大隊買飛。不過今次有d失望，當人人expect出完credits既roller會有蝦碌鏡頭睇，點知個個唔願走坐左成十分鐘都係得個吉。可能家陣d動畫(Pixar又好Dream works都好)次次完場都有d bonus clips睇，所以個個都好似我咁坐係度唔走。可能又係果招，套戲就快落畫時為左谷票房就會加映out takes啦。不過如果你真係唔想再睇，上去官方網都應該會睇到，或者等DVD出都得。

好啦講返Game，佢地個website有d好無聊但勁難玩的Games。一個叫Test your Strength，係你要扮爸爸Mr Incredible測試實力，在書房將廢紙丟去垃圾桶，好難丟中呀，擊中房入面的東西仲要扣分。另一個叫Picture Yourself as Superhero，呢個呢就係叫你試下自己不同的力量，睇下你成為咩超人最適合，仲做埋問卷，幫你改埋名，你仲可以設計你個超人logo添!我呢測試結果係做飛行派的superhero，仲有你可以有超人身分證，upload埋自己張相有自己個ID number架。

另外仲有一個係downloadable game，可免費玩10分鐘，主要係戲中情節做背景的Game，仲要打大佬。

網址：http://disney.go.com/disneypictures/incredibles/intro.html

NetMazta第二期出左喇!

2005-02-02T13:07:00.000+08:00

新一期NetMazta出左喇，今期佢地會講eXeem同BT，香港互聯網十年，同埋我最關注的Spyware。當然仲有我個專欄啦。我既電子神童專欄今期有咩睇？個題目係"檸水Gamer，You are Fired!"哈哈，講咩？當然係勁好玩既Game啦，你地記得留意下，多多支持呀。如果你地想睇下NetMazta最新內容一覽，或者係佢地近來搞乜鬼，可以去佢地個blog http://www.netmazta.net

NetMazta 第二期

腸蛋麵呀唔該!

2005-01-29T13:35:00.000+08:00

哈，本地製作真係唔同d，親切感多好多。呢個Game叫HK Cafe，如果入面d介面用廣東話仲正。其實呢，個Game係要你在限時內盡做茶餐廳內的柯打，賺得越多錢越好。

咁呢，你要係檯上煮好材料，放入相對的碟上，但要睇火唔好燒焦晒。呀記住要熄火先可以將食物放碟。做好成碟就可以上檯，不過要睇住人地要食咩先好整，整錯，整衰都係要丟去垃圾桶，又折墮又減分呀....

網址：http://game.sina.com.hk/cgi-bin/g/fl.cgi/8339

Capoeira Fighter 3

2005-01-22T02:45:00.000+08:00

我估有好多朋友都係玩Street Fighter 大。我自己對打鬥搏擊類Game就無乜興趣，不過呢香港又真係有好多呢類Game的Fans。今次介紹的叫Capoeira Fighter 3，免費網上玩唔駛去機鋪交學費。佢有6個戰鬥模式，12個人物，8個可設定的人物能力值及9個打比武地點等選擇。玩法呢，可以兩個人一齊用keyboard玩，或者一個人對電腦。command有好多，例如a, d, w, 就係左，右同跳。你要知點玩，去個網度睇睇啦。d人樣，我覺得靚過Street Fighter啦，不過例牌都係有靚女有大隻佬咁啦。

網址：http://www.shockwave.com/landing/landingIndex.jsp?id=capfighter3&syswarn=accept

Trend Micro送出PC-cillin 2005 Internet Security

2005-01-15T20:01:00.000+08:00

今日節目中嘉賓Trend Micro送出PC-cillin 2005 Internet Security防毒軟件3套，聽唔切問題的，提提你可在香港電台網站重搵，條link係http://www.rthk.org.hk/rthk/radio2/R2net/20050115.html

Reversi

2005-01-15T13:05:00.000+08:00

Reversi呢種棋，差唔多個個小朋友都玩過。呢個Game唔駛多講你都一定識玩，就係要用自己顏色的棋夾住人地顏色的旗，咁，你就可以成行食晒。其實個Game無咩特別，只係，無聊時玩都會好上隱。記住，揀黑棋可以行先，白棋會行後。呀，我玩左成十盤，都未輸過。

網址：http://www.truantduck.com/reversi/reversi.html

我會出現在NetMazta

2005-01-08T02:01:00.000+08:00

各位朋友，有一段時間無係報章雜誌發表文章喇，但一本新出的有關internet的雜誌NetMazta有我個column，今期仲有我個訪問。好多人來信問我囉相，我當然唔會咁易出鏡啦，之但係今期就有我張相，好奇的你可以買本睇睇，了結你地的心願。其實呢，呢本書都好值得睇，如果你係我個blog的regular reader我估你一定岩睇，因為本書係為所有internet人而設。

今期我介紹果個Game我係節目度介紹過，但係雜誌當然就係圖文並茂兼詳細好多。不過以後我係雜誌入面介紹的就唔會係電台同blog再作詳細介紹，希望大家買來捧下小妹場呀。本雜誌的幕後主腦人都係有heart有料的，你地唔睇我都唔好話唔買呀，唔係走寶呀。

網址：http://www.netmazta.net

功夫

2005-01-08T01:51:00.000+08:00

可能大家都睇左功夫，好唔好睇真係見仁見智。我就覺得套戲入面集合左Matrix, Kill Bill, 魔介, Harry Potter，Forrest Gump同Chicago等的影子，如果你好似我咁成日睇戲你就一定明我up乜。不過呢，佢d電腦特技都幾得，當係睇下香港最新科技發展都係好事。

功夫假假地都係荷李活片，個website都同一般荷里活片一樣做到足，唔似其他好多港產片咁得少少介紹。當然，好多地方都係有待改善，不過呢game部分都有4個Games咁多，雖然唔係好靚好3D但勝在夠local夠vintage得來又貼題。其中有斧頭幫"定"斧頭，Street Fighter式打交等，係就係見慣見熟的遊戲，但係有新包裝，得閒玩下又幾得意。

網址：http://www.kungfuhustle.com/index_big5.php

「資訊科技界關懷海嘯災民賑災行動」瞬間引起業界迴響

2005-01-07T18:01:00.000+08:00

IT界的好人好事，大家一同分享：

「資訊科技界關懷海嘯災民賑災行動」瞬間引起業界迴響

由「資訊科技與香港的發展 – 息息相關」運動(“IT Matters for Hong Kong”)的發起機構所組織的「資訊科技界關懷海嘯災民賑災行動」即時引起業界的迴響。在2004年12月31日，我們廣發電郵給資訊科技界，呼籲各同業向各個為南亞海嘯救災的志願團體捐款及提供資訊科技方面的協助。在信件發出後的數小時內，我們已收到資訊科技界可觀數目的電郵及電話回覆，表示願意義助，伸出援手。我們很高興宣布，我們初步已籌得6台手提電腦，並已捐贈予無國界醫生，以協助他們在印尼的緊急醫療工作。

在2005年1月4日，無國界醫生向我們提出緊急請求，因為他們急需6台手提電腦，讓他們在印尼的緊急救援行動中使用。HP香港旋即作出回應，並立即同意捐贈6台手提電腦；而Microsoft香港有限公司亦即時贊助6套Microsoft Office 2003 Professional Edition。在2005年1月5日的黃昏，HP香港的義工們合力將所有電腦裝置好，好讓無國界醫生的代表能在晚上取得電腦。2005年1月6日早上，無國界醫生的志願人員就將6台電腦帶往印尼災區。

無國界醫生香港辦事處總幹事溫達德表示：「無國界醫生非常感謝香港資訊科技界迅速的回應，攜手促成我們在印尼的救災工作。是次捐助的確有助我們的醫療隊伍能更有效率地幫助有需要的人。」無國界醫生已在印尼、斯里蘭卡及印度為地震及海嘯的災民提供醫療援助。

無國界醫生的醫療隊伍正在印尼重災區亞齊省進行救援工作。印尼的醫療隊伍將利用這6台電腦來協調救災工作，並且促進內部和對外的溝通。

「資訊科技與香港的發展 – 息息相關」運動發言人莫乃光表示：「我們在此衷心感謝HP及Microsoft的善心，以及迅速回應此緊急需求。我們亦感謝資訊科技界所有曾在科技支援上貢獻出意見，以及捐款的人士。我們非常高興資訊科技界能同心協力，為災民伸出援手。」

莫乃光說：「作為資訊科技專才或企業，如果閣下或貴機構能在資訊科技方面提供援助，例如協助搜尋失蹤人士、幫助災民或失蹤者的親屬尋找失散的親人、或其他資訊科技方面的協助，請即聯絡我們。我們將會竭盡所能作出適當的安排，讓有需要的人士能即時受惠。」

有關無國界醫生
無國界醫生是國際人道醫療救援組織，現時在全球超過七十個國家工作，致力為活在戰亂、疫症及天災人禍中的人士提供緊急醫療援助。

有關「資訊科技與香港的發展 – 息息相關」運動
在2004年8月，資訊科技界的4個代表團體，包括香港電腦學會、香港資訊科技商會、資訊及軟件業商會及香港無線科技商會，聯手發起「資訊科技與香港的發展 – 息息相關」運動，有清晰的行動計畫重整資訊科技界於社會的形象和理解。此運動得到本港六間大學及超過二十個專業團體和商會組織聯署支持。通過我們結集的力量，我們希望讓社會意識到資訊科技是香港經濟轉型上重要的角色。

愛心無國界短訊傳關懷 (SMS短訊捐款)

2005-01-07T13:38:00.000+08:00

愛心無國界短訊傳關懷 (SMS短訊捐款)
http://www.hkwtia.org/wtia/Crossing%20Borders%20Fund%20Raising%20Show.pdf

SMS短訊捐款
於2005年1月7日中午十二時正至1月14日晚上十二時正，每發送一個空白或任何短訊到501717，便可捐款港幣$20元正至愛心無國界演藝大匯演作海嘯賑災用途。

請捐助海嘯災民

2005-01-01T14:43:00.000+08:00

南亞地區的海嘯災情嚴重，我懇請大家踴躍捐助，讓災情得以控制。其實大家今年的元誕/新年慶祝活動可以吃得清淡一點，將省下來的錢用來救助災民，吃得清淡對自己的身體也好吧。

以下是一些慈善團體的網站，大家可以去看看捐款的詳情。某些網站還設有網上捐款，非常方便。

Hong Kong Red Cross 香港紅十字會(http://www.redcross.org.hk)
World Vision Hong Kong 香港世界宣明會(www.worldvision.org.hk)
Medicin San Frontiers 無國界醫生(www.msf.org.hk)
UNICEF聯合國兒童基金會(www.unicef.org.hk)
Oxfam Hong Kong樂施會 (www.oxfam.org.hk)
Salvation Army 救世軍(www.salvation.org.hk)

鯊魚大話王

2004-12-25T13:33:00.000+08:00

今年聖誕另一套動畫鯊魚大話王個web site有幾個Games玩，有玩DJ捽碟，幫鯨魚打蠟，仲有跑海馬。

網址：http://www.sharktale.com/main.html

The Polar Express

2004-12-18T14:28:00.000+08:00

Tom Hanks又來喇，不過呢唔係真身，係動畫，不過都係佢做，因為要用電腦map佢動作表情先可以做個動畫，所以都係要做戲唔單止係配音。

Polar Express成套戲咁IT，個web site都好多野睇。睇之餘仲有Game玩。呢個Game係你要做故事中的小朋友，因為上Polar Express張飛吹走左，你要跑跑跑去執返。玩法好簡單，上下左右箭咀控制前後行同埋跳，小朋友都識玩。

網址：http://polarexpressmovie.warnerbros.com/media_games.html#

DIY砌圖聖誕卡

2004-12-11T17:17:00.000+08:00

Christmas又快到，家陣都無咩人真係寄聖誕卡，多數都係e-card。不過呢e-card實在又係無咩心思，所以我就會用呢個又係game又係card的e-card喇。

呢個叫HP Greeting Maker，可以upload自己的相，做成砌圖，加上祝福句子，做成e-card send俾人。個砌圖都可以customize好多野，例如幾多塊，顏色，形狀等。整好之後除左可以send俾朋友外，你都可以自己砌下玩下架。

網址：http://www.shockwave.com/sw/content/jigsawmaker

網絡航海時代

2004-12-04T15:16:00.000+08:00

大航海時代呢個經典RPG Game大家應該聽過啦，網絡航海時代又玩過未？呢個係網上版的RPG Game，靚就唔係靚喇(見我無貼相都知啦）。不過呢，玩落真係會上癮。

要玩，先要登記一個account，然後呢入去就會見一個地圖。話明航海，呢個game當然係玩冒險，海戰同商貿啦。開始要先去船塢買船，再去酒店請海員同買食物。搞晒就可以去碼頭出海。你可以選擇去不同地方，但因應遠近，到達時間都有不同。去到另一地方，可以睇下有咩賣，周圍去做trading賺錢。亦可以睇下有無第二d艦隊，同人傾下計又得，打人都得架...唯一缺點係，我先頭都講過，唔靚仔囉，似用文字還的Game。可能我地被家陣d靚聲靚畫3D Game縱壞了。

網址：http://uzonehk.hp.infoseek.co.jp/cgi-bin/cgi-bin/sea/sea.cgi

環球免費SMS

2004-11-30T17:18:00.000+08:00

星期六係節目講過有個sms免費用，全球都send得，我都未正式試玩。等我blog左先，大家得閒一齊試下用再交換下心得呀：

http://www.sms.ac

玩Game抗衰老

2004-11-27T13:50:00.000+08:00

大家成日都聽人講話老人家打麻雀可以令頭腦靈活，可防止老人痴呆云云。本人呢，唔打麻雀，雖然有排都未老，但都係應該發掘一下其他防老人痴呆的辦法，幫下唔打麻雀的老人家。

尋日發現呢個Game叫還我壽司，其實係一個非常考記憶力的遊戲。大家食過雜錦壽司或者壽司船都知，一盤壽司入面有勁多唔同款式，呢個Game就係要你在限定時間內記熟成盤壽司的擺法，再要你係終多款式中選擇正確的品種，準確的放回正確位置。難就難在可選擇放回的壽司數目比答案為多，而且同款壽司都可以有多個樣(例如三文魚壽司，可以個係正常樣，有個係有公仔樣...)，太多就會亂，仲要一定放返原位先算數呀...

網址：http://game.sina.com.hk/cgi-bin/g/fl.cgi/8067

飛行服務隊

2004-11-20T10:51:00.000+08:00

今次介紹的Mini Game有靚聲靚畫，呢個就係RescueBlade喇。呢個Game係玩飛行服務隊式的救援工作，駕駛直昇機，在危險的環境及情況下救火，救人等等。玩法係用上下左右鍵將直昇機移動，用space bar將救援人員吊上吊落去救人。不過可以話你知，要操控得好都唔係咁容易，要練習一下先可以令直昇機穩定飛行，同埋落點準確。因為你只會有有限的燃料（即係有時限），所以你一係就快手d完成任務，一係就周圍睇下有無燃料”食”。另外係你如果撞到野，或者降落時係”撞落”，咁你架機就會有damage。傷得太多就會Game Over喇。

網址：http://www.shockwave.com/sw/content/rescueblade

又送禮-預告

2004-11-13T11:36:00.000+08:00

好，今次我會送出pedometer(計步器)同埋其他禮品，請留意今晚電台節目，我會同時係blog公佈。

童年回憶-波子棋

2004-11-13T11:28:00.000+08:00

相信所有係香港長大的小朋友都玩過波子棋。我細個時都有玩架，其實我覺得佢最吸引，都係因為顏色靚，同埋大人細路都可以一齊玩，當然，小朋友唔好當波子係糖食落肚啦。

如果大家忽然懷舊，但係屋企套陳年波子棋唔知去左邊，又或者無對手同你玩，你可以試下我介紹呢個波子棋mini game呀。你可以選擇兩至六個人對戰，當然你個對手係電腦啦。雖然個game好簡單，都係一般波子棋玩法，但係呢，都會上隱架。小心小心。

網址：http://games.lynms.edu.hk/games/20040401/cc.swf

超班解迷game

2004-11-06T13:01:00.000+08:00

近幾個星期忙碌指數達到10，所以好耐無update個blog，以後應該都會回復正常，維持一個星期最少update一次的頻率。

話說上幾個星期講過解迷game後，不斷收到聽眾同bloggers的email。今次介紹呢一個呢，係一個超靚仔，奪獎無數的解迷game。正當我不斷想找回條link時，有聽眾就send 俾我喇，真係好，慳好多時間。

呢個game叫Samorost，係一個experimental flash game, 畫工精細，風格有d似幾米同宮崎峻的天空之城，玩法都係要click中一d buttons，誘發一d動作/事件發生，要開晒所有"機關"先可以過版。究竟玩咩係唔仲要，最重要係佢個Flash技術同畫功真係好掂。以下就係佢得過既獎/嘉許：

- Favorite Website Award- site of the day
- Silver Nodus Award
- Top Talent Award 2003 提名
- Flashkit.com "Most Innovative Flash Game 2003"季軍
- Webby Award 2004 提名
- TurkeyAwards.com - site of the day

網址：http://www.amanitadesign.com/samorost/

掉磚頭

2004-10-23T10:10:00.000+08:00

哈，旺角磚頭狂徒被人拉左，唔駛驚，我只係介紹個Game咋。

呢個Game叫Pixelus，係一個Puzzle Game來的。你見圖中有d格仔highlight左，你就係要掉d磚去果d格仔度完成個圖。之但係你只可以係直線掉過去，仲要係呢，一掉就會掉去一行的盡頭，除非有其他磚頂住啦。所以有時你要臨時掉一d磚出去，頂住其他磚。但要記住，磚數有限，你掉磚的次序都要計過度過呀。

講，就好難明，你可以去佢網度online玩，有tutorial，一試你就知喇。你鍾意，亦可download落黎玩，一樣得。

網址：http://www.popcap.com/launchpage.php?theGame=pixelus&src=big8

雞, Robot -智能胖雞

2004-10-16T11:47:00.000+08:00

無錯，唔係I, Robot喎...呢隻雞會聽你指令，你叫佢做咩動作(不雅的除外)佢都會做。究竟搞咩呢？

即係咁，其實呢個叫Subservient Chicken，係一個程式，裡面呢有600幾個clip，當你打入一d動作指令隻雞(人扮的)就會跟你指示做動作。其實呢個係美國Burger King一個宣傳網站，宣傳咩呢？當然就係佢d雞類食品。你叫佢訓覺，睇書，跳舞乜都得，勁過tamagochi好多啦。係喇，呢個link都係一位聽眾Dick提供。

網址：http://www.subservientchicken.com/

密室走佬事件

2004-10-16T11:46:00.000+08:00

你有睇blog comments都見有聽眾William貼左呢條link。其實呢個game都唔新，不過你知，呢d野玩完kill完time就算，點會留呀。咁岩我本來都係想巢解咪game，William呢個link介紹Crimson Room就慳我唔少時間。

其實網上好多呢類解迷game，只要click來click去囉野，然後係適當時候使用呢d寶物就可以了，間中仲要記住一d密碼先可以過關呀，開門咁。呢個game看似簡單，但要過關打爆都唔易架。

網址：http://www.fasco-csc.com/works/crimson/crimson_e.php

韓國燒烤

2004-10-09T10:15:00.000+08:00

近排涼涼地，最好就係打邊爐同食韓燒啦。其實我就好鍾意食韓燒，不過因為怕肥怕熱氣，怕出唔到聲(其實係最怕食原後成身油煙味)，所以都少食左好多喇。不過呢，無得食，玩下game都可以望梅止渴。

韓燒game其實都有好多，呢個呢，係韓國出品：
http://game.sina.com.hk/cgi-bin/g/fl.cgi/7939

玩法係用mouse將未熟的肉放上個野度燒，燒完一面再燒第二面。但唔好心急，或者燒過火，因為呢，唔熟同燒焦都係會扣一條命的。燒好放上碟就ok了。

以前見過有隻差唔多的game，日文字的，個樣仲真實，巢到再貼上來。

網址：http://game.sina.com.hk/cgi-bin/g/fl.cgi/7939

轟天戰士決戰未來世紀

2004-10-02T02:09:00.000+08:00

轟天戰士決戰未來世紀呢套戲，個story line真係不敢恭維，其實我一路睇真係一路笑，因為故事就好似以前d日本超人片。之但係呢，套戲全部用blue screen拍，即係，所有景都係用電腦加落去，d人係在藍佈景前面做戲，難度都好高，同埋d電腦graphics都好鬼靚，值得一讚。最值得一贊呢，都係個web site，因為有免費game Sky Captain download，仲要係3D，質素同你買既飛行射擊PC Game一樣咁好。玩發係左右剪咀向左右轉，上箭咀加速，下箭咀減速。見到機械人就可以左click mouse射佢。成個Game的場景同套戲一模一樣，不過要做有幾難？套戲成套都做左3D animation啦。要download，可以去http://www.skycaptain.com再click入game就可以。

網址：http://www.skycaptain.com

你的英文名

2004-09-28T10:17:00.000+08:00

玩完日文，今日收到個講英文名的：

驚人!!你的英文名字有什麼意思 !! 準確90% 玩法好簡單，你只要依照你名字的字母次序，按以下字母，重覆就只計一次，你的性格立即顯現﹗

舉個例，假設你的名字是”Jenny”:
1.你妒忌心重，佔有慾亦然。(J)
2.你是一個勇敢面對挑戰的人。(E)
3.你是個熱愛工作的大忙人，卻永遠渴望有個能放鬆的假期。(N)
4.麻煩友一名，跳跳紮紮經常得罪人。(Y)

A)當正思考的時候，你會變得非常沉默。
B)遇上新相識的朋友你永遠都額外謹慎。
C)你有一棵野性的心，別害羞將它表露出來。
D)你很難相信別人，信任兩個字對你來說，有點重。
E)你是一個勇敢面對挑戰的人。
F)你身邊的人都滿喜歡你，一定不乏追求者。
G)你觀人於微，經常看破別人的心，知道他們的想法。
H)你判斷力不足，對事情敵分析能力似乎有需要改善。
I)你的脾氣頗大，EQ指數比較低，有時會控制不住情緒。
J)妒忌心重，佔有慾亦然。
K)勇於嘗試新事物新環境新挑戰。
L)愛情對你來說太複雜了，你想要的只是簡簡單單的愛。
M)成功對你來說不是一件困難的事。做事經常事半功倍。
N)你是熱愛工作的大忙人，卻永遠渴望有個能放鬆的假期。
O)你的思想屬於開明的一類，對不同的意見你也會重視思考。
P)為人有點自私，重點經常是自己，對於其他人的需要，你則很少照顧到。
Q)為人圓滑，社交手腕不俗。
R)Social方面係你強項，所以人緣亦算不俗。
S)思想比較古老，不太肯嘗試新東西。
T)你對人處事的態度有問題，所以唔知咩事得罪人。
U)你很渴望全世的道得德都能達到平衡。
V)你平時說話很多，不過所謂禍從口出，所以都有一些討厭你的人。
W)你的私隱對你非常重要，你亦頗享受一個人的時候。
X)你永遠不願別人告訴你應該做些甚麼。
Y)麻煩友一名，跳跳紮紮經常得罪人。
Z)你喜歡跟別人辯論，爭拗。而且好勝心強

送飛喇

2004-09-25T13:55:00.000+08:00

上星期話會送Live Jam Show的飛，以下網頁會有個Show的詳情:

http://www.innonation.com.hk/web_events/html_fmreverse.html

要飛可以Email 我 : vivienchan@gmail.com

FM Reverse Live Jam Show
Featuring Horace Mui and Vivien Chan

FM Reverse是「Female/Male Reverse」的簡稱，顧名思義，即是男女角色調換。這場Live Jam Show的意念其實就是嘗試將男女聲對調，男唱女歌，女唱男歌，為大家帶來耳目一新的感覺。

是次Jam Show由Innonation聲樂導師Horace及香港電台第二台「一網打盡」節目主持人Vivien首度合作，重新演譯多首流行曲，並配合Innonations的Live Band，務求擦出新火花。Jam Show的後半部分更設Open Jam Session，觀眾可隨便上台一同合奏或合唱，親身體驗現場表演的感覺。

日期：10月8日(星期五)
時間：晚上8時正
地點：Innonation
香港銅鑼灣希慎道壹號4樓402室
費用：全免

Horace
Innonation創辦人及市場發展總監，兼聲樂導師。Horace在小時候開始參加合唱團，並多次作公開歌唱演出，奪獎無數。Horace在過去十年內有超過三百次有在香港及美國的公開表演/比賽經驗，擅長唱流行曲、古典、爵士及舞台音樂劇，了解多種類型歌曲演譯之竅門。

Vivien
多元傳媒人，讀書時已經在電台打滾，又熱愛音樂和唱歌，曾在各大小音樂創作比賽中奪獎(其中包括CASH流行曲創作大賽)，並為電台節目創作及主唱主題曲和jingles，亦曾經在報章雜誌發表文章，百足咁多爪，非常符合雙子座性格。現在，平時身份係悶爆OL，夜晚變做電子神童打機打通頂，逢星期六6pm-8pm就會在香港電台第二台IT節目「一網打盡」當客席主持，主打環節為「電子神童」及「網絡特搜」。每天更要主理她的「電子神童」blog (http://vivienchan.blogspot.com)，為廣大聽眾及bloggers服務。

估估估圖

2004-09-25T01:06:00.000+08:00

大家有無玩過Pictionary呢？即係畫圖版的有口難言。今次介紹的就係網上連線玩，又係免費的InkLink。

入去玩InkLink同入chatroom差唔多，但每間房最多只可以有8人一同玩。玩家全都係連線，你可以約埋你識的人一齊開一局，又或者可以join其他人已開的局。點玩呢？其實係房內每個人都會輪流畫圖俾其他人估字。負責畫圖的會係screen度睇到一個字，佢要用佢的想像力畫出來，要令其他人估中。而最快估中的那位就會得分，分數係因應估得快唔快手而定。如果有人估中，畫果位都會有分，因為佢畫得好唔好，表唔表達到都係關鍵。

呢個Game呢，都好得意，仲係大人細路都岩玩，大家又可以試下呀。

網址：http://www.shockwave.com/sw/content/inklink15

你都有日文名

2004-09-24T02:06:00.000+08:00

watashi wa NaKashima Chiaki desu...

哈，唔理你明唔明我up咩日文，你都可以玩呢個"日文名翻譯網"。你只要鍵入你個名(我試過，中文字都得)，佢就會gen個日文名出來。日文名同中文名一樣，姓行先，所以如果你用英文名譯日文，最好鍵入個姓先，好似我咁就key 入"Chan Vivien"，結果我個日文名就係中島千秋。都好應景，有中秋feel....

http://www.rumandmonkey.com/widgets/toys/namegen/969

Gmail派晒+下期獎品預告

2004-09-20T13:45:00.000+08:00

各位呀，我一早都話Gmail派晒啦，唔駛再問我喇，有我會再話俾大家知。黎緊我會送Live Jam Show既飛，個Show 叫"FM Reverse"我之前都講過喇，會係10月8號晚，我會同Innonation的Horace Mui及一隊大band一齊jam歌，之後有興趣的朋友都可以上台一齊唱或者玩樂器。如果你地有興趣可以講低先，等我預留一d飛俾呢度的bloggers朋友。我亦會係黎緊星期六的節目送飛，大家多多支持呀。個show遲少少會有個web page到時我再貼出來。

Thanks for your support!

送$100學音樂禮券

2004-09-18T10:40:00.000+08:00

今個星期，創樂空間(Innonation)送出30張$100課程coupons俾聽眾及bloggers，大家只要email(左面我個profile有我的email address)你的姓名，電話就可以得到，先到先得。coupon可用於電腦音樂，流行曲唱歌班及keyboard班的成人或兒童課程。大家想知課程內容可以去呢個網址睇睇：http://www.innonation.com.hk/ 。

其實點解會有呢d coupons送呢？原來創樂空間的年輕老闆門都係IT人，佢地不嬲都係一網打盡fans呀，所以email俾我，話送coupons俾其他聽眾。但唔好以為IT人就無乜藝術細胞，因為佢地除左電腦勁外(佢地曾經係矽谷IT人，不過回流香港)，從小就接受正統音樂訓練。仲有呀，本人有幸被邀請參加佢地一個叫"FM Reverse"(即係Female/Male Reverse, 男唱女歌，女唱男歌)的Live Jam 玩下音樂，有多d資料我再請大家來睇下玩下呀，當然都係免費請你地來啦。

撲蝶

2004-09-17T23:48:00.000+08:00

上次介紹過一個勁上癮遊戲，今次介紹多一個。呢個Game叫Loop，其實係一個圈蝴蝶遊戲。有趣既係，一般mini game都會用mouse click，但呢個就用mouse圈。在game內你個mouse的箭咀會變成筆，你要在畫面中圈出同色的蝴蝶，每一關都會要你係指定時間內圈指定數目先可過關。如果你係圈左唔同色會扣分架。唔好以為好易，因為成個screen的蝴蝶會飛來飛去，越升level就越難圈，某d關d蝴蝶仲會變色，仲無啦啦有d蟲，圈中又會扣分。

玩還玩，其實個game另一特別係graphics好cute，唔似一般game，d音樂同音效都唔錯架。但如果你個mouse唔多順，你果個又係傳統mouse的話，拆粒波波出來清潔一下先玩會好少少。

網址： http://www.shockwave.com/sw/content/loop

小心網上騙局

2004-09-16T10:49:00.000+08:00

有聽我節目都知，我成日都去揭發網上騙局，並呼籲大家唔好亂信咩中獎呀，落難皇帝要借國外戶口匯款(即尼日利亞騙案)等的email。呀，點知真係會有人中招。新聞話有位市民收到個中獎email就打長途電話去領獎，對方要佢俾成7萬蚊手續費都唔覺有唔妥照俾錢，哈，過左海就神仙啦，邊有咁大隻蛤"也母"隨街跳呀？

其實呀，無啦啦收呢d email唔覺有問題？無參加抽獎何來中獎？三唔識七阿落難皇帝做咩要用你個戶口匯款，唔係咁慘一個朋友親信都無下化？我以為呢d咁荒謬既野一定呃唔到香港人，點知都有人被騙...

不過大家真係要小心，雖然大多數人都唔會理以上所講的email，但有種真係好易呃到人的就係叫你confirm你銀行/ebay/paypal等account的email。如見到呢d錢祈唔好click落去email內容的圖或link，要查證最好自行開個browser自己打個official網址，因為email attach的link好可能係假的，去返official網址我就唔信某公司如真係要人update資料唔會係front page或login page大大隻字寫係度通知你。切記呀。

如果真係咁想中獎，多d上來呢個blog，或者聽多d一網打盡，睇下我有咩獎送仲實際啦。

多謝支持，更多獎品陸續有來

2004-09-13T13:27:00.000+08:00

多謝各位留言，Gmail invitations暫時派完，但Gmail耐唔耐都會再俾quota我，所以大家繼續上來，再有的時候我就會再送。上次我send晒invitations出去不出三日就再有新invitations，希望今次都係咁快refill啦。

仲有呢，我呢個blog都會繼續送禮，大約一兩個星期送一次，大家得閒多d上來裝裝，寫寫留言啦。

瘋狂金魚缸

2004-09-10T23:57:00.000+08:00

哈，我唔係講緊買股票，係講緊一個金魚缸game。呢個Game叫Insaniquarium，即係Insane(喪的)金魚缸。玩發係你click mouse就可以放魚糧，魚食得多會越大條，越大呢就會越生得多錢。記住佢地跌錢落黎你就要用mouse click落d錢度執錢，否則d錢過一陣就消失喇。有錢你就可以買魚，買勁d既糧同買蛋。每一關會有個target，例如你要有幾多條魚，買幾多隻蛋等。每過一關就送一隻怪動物，例如會大肚生魚仔的企鵝物體，會生珠的大貝殼(即可以有多d錢)等。不過呢你要小心，間唔中會有敵人出現，你要用mouse click當槍咁打佢地，唔好俾佢地接觸你d魚否則d魚就會俾怪物食晒。

呢個game好似好易，但係呢好易上引。我就試過用左成晚來為打爆機。網站有免費試玩，可以玩成晚。要個full version就要俾錢download喇。

網址：http://www.popcap.com/launchpage.php?theGame=insaniquarium&src=big8

Insaniquarium

哀悼俄羅斯恐怖活動中的死難孩童

2004-09-09T17:58:00.000+08:00

以下是我今日在MSN收到的訊息，是一個網上發起的運動。讓我們一同見證互聯網的威力：

平常有在msn的朋友，我們一起發起一項運動，就是請放一朵玫瑰在MSN名字之前(在暱稱前加“括弧+F+括弧”)，用來表現對於數百位俄羅斯死於恐怖行動中的孩童哀悼，希望可以發自內心地將這個訊息傳給所有線上名單。

如果你們有blog請link過來這message，或自行貼在自己的blog上。當然你亦可用email宣揚出去。

送Gmail+本周update

2004-09-04T01:53:00.000+08:00

各位聽眾，今個星期我病了，所以無貼到新game。不過呢，大家唔洗唔開心，我會送番d禮物補數。今個星期大家只要在此留言，或者email俾我(click左面我個profile就有我的email address)，講下對一網打盡的意見，講得最有建設性的6位可以得到我送出的Gmail Invitation。你知啦，Gmail暫時都要有邀請信先可以開account架，未有Gmail的朋友，又想試下1G 儲存量的威力，記得快d留言呀。

拱橋高手

2004-08-30T03:16:00.000+08:00

如果大家有聽開一網打盡，都知我有去做gym啦。星期六果日我同我個Trainer Louis講笑話做完某d動作會唔會好似彭丹咁做到一字馬。佢就話不如拱橋。哈，佢真係有眼不識泰山，我真係識做拱橋呀。佢就話未見過真人做，話想睇下。我就當場示範啦，點知佢有樣學樣，但係身為一個勁fit的教練，都做唔到，仲叫我教佢呀。其實佢條腰都應該夠力呀，我估佢係未掌握到點出力同個重心。不過我又唔係Trainer，都唔知點話佢知點做，所以最後佢係點都做唔到。哈，我突然覺得好勁。

拱橋

仲有呀，同一日我係gym見到陳豪，今日去行街又見呢排成日主持奧運個鍾博士。

星座惡評

2004-08-30T02:42:00.000+08:00

今日收到這封email，值得大家一看：

牡羊座　一生衝動的笨蛋

你是一個到老都很白目的人，永遠活在自己的超小世界當中，用井底之蛙形容你，還真汙辱了井底之蛙！衝動，幼稚，無知還不讀書，更慘的是看了一堆書還是抓不到重點，只知道以自己偏頗的狹隘視野看待世界及別人，諸不知別人才看不起你呢！真是個自以為是的白痴！此生中你最大的優點就是剛愎自用！因為無法與別人和得來，所以永遠在轉換跑道，還一付我為人人、人皆負我的超機車狀！懷才不遇是活該！懂嗎？其實老天爺對你不錯，起碼還給了你一點才華，要不然你怎麼死在路邊的都不知道！凡事用點腦筋吧！別老是先做反應再來悔不當初，都已經給你那麼多次的慘痛經驗了！還學不到教訓，也真服了你了！請你把用來鍛鍊身體的時間，撥一點空來訓練頭腦吧！不是叫你猛K書，長智慧這種事不一定是書上學來的，睜開你的眼睛看看別人為什麼成功，而你卻還在這聽我的教訓，一邊聽還一邊恨得牙癢癢的，別人能一笑置之的事，你通常連這等幽默感都沒有，還說什麼滿山滿谷的理想抱負呢！也不怕笑掉別人大牙。你愛白雪公主，我知道！你愛白馬王子，我清楚！但是，你配嗎？別人長得美，長得帥，自有王宮貴族疼惜，關你屁事，你在那邊搶什麼搶啊？搶也就算了，搶不到還一哭二鬧三上吊，有種就別搶，要搶就用點腦筋，要不然只是讓被你搶的人感到丟臉罷了。還有，不是每個人都喜歡那種看對眼就要上的感覺，別老是把自己的快樂建築在別人的痛苦上，OK？！

金牛座　冥頑不靈的石頭

固執到死是你的優勢，如果沒有用固執來保護自己，肯定你活不過24小時！自以為高EQ可以解決一切，就凡事不看、不聽、不用心感受，只利用自己膚淺的經驗值去做判斷，結果就是讓愛你的人傷心，傷透了，你還依然故我，一付''是我害的嗎？''的豬頭樣！你的工作當然順利囉！因為你陰險的一面是不會輕易顯現出來的，尤其不會讓你的上司知道，但是你同事就蠻倒楣的，因為怎麼被你一腳踹下去的都不知道，你更狠的是，被你出賣的人還搞不清楚自己是怎麼死的，你卻已經叫他過來摸摸頭，證明不是自己幹的。真的很想捶你，因為這等用謙遜柔弱的外表?F人的卑劣技倆，到老還不知改過，真的是很惡劣！看來金牛座的堅毅，還真用對地方咧！如果有人想要改變你，或試圖跟你溝通，我想他一定是瘋了！因為他正在做一項不可能的任務，最慘的是，他並不知自己做不到，還一直浪費時間跟你瞎耗，到頭來青春也沒了，人也被你逼瘋了，金牛還一臉無辜地說：「沒關係，久了他就習慣了！時間能證明我是對的！」廢話，誰不知道你真的是''一路走來、始終如一''啊，那又如何？如果只用在頑固不化這項自以為是的優點上，難道還要頒獎給你嗎？你很膚淺，連跟你聊天都很痛苦，因為聊半天都在無聊的事上打轉，連八卦都談不上。除了金錢跟性愛外，真不知你還有什麼料。你常大聲說自己專情，哈哈，別開玩笑了，除非你的伴侶親口說他不在乎你在外面跟人家摸來摸去還很爽的死德性，要不，你是沒有資格說自己一生只愛一個人的，OK？！小氣應該不用再強調了吧！大家都知道金牛到底有多小氣！

雙子座　多說多錯的白痴

如果告訴你，有一個人''聰明顯於外''，請問，你還覺得他聰明嗎？聰明如你，一定馬上說''不！''還大笑三聲，對不對？但是，還笑，那個''聰明顯於外''的人就是你！只是你一直以為別人不知道罷了。你只做對自己有利的事，所以在年輕的時候很容易成功，因為你會把A＋B＋C?〞爾?加起來，拿去跟對最你有利的人說，最後，大家都以為你聰明絕頂，幫你鼓掌加薪，以為你到半夜三點還在K書，才如此博學多聞，其實，只有你自己心理明白，你只是道聽塗說，卻有美化雜音的天份，拿別人的智慧，長自己的威風。但可悲的是，這種招數，真的只有小孩才會被你騙三次，說穿了，你就是不用功，博而不精，樣樣淺學，老了才來後悔，哈，來不及了！你有個最大的優點，就是無情，雖然大家都被你騙得很好，以為你很熱情，才怪！你這種拒別人於千里之外的好習慣，信不信，終有一天踢到鐵板。其實每人都有冷漠的權利，但有種就做到表裡如一，不要跟人家玩一玩，覺得別人不好玩了，或沒有利用價值了，就又一溜煙的跑掉了！沒品就算了，當別人帶著大隊人馬來要脅你時，你又馬上下跪求饒，真沒種！這種見風轉舵，下一秒鐘就推翻自己的超能力，大概也只有你才幹得出來，但是，旁人看了都累，你，不累嗎？你是個超沒安全感的人，總是神經兮?慼A其實就是因為自己壞事做多了，老怕被抓苞的心態作祟，所謂''夜路走多了，總會遇到鬼！''看看你，全世界的鬼都被你遇光了，還不知自我檢討，少幹點壞事，不就得了！

巨蟹座　永遠活在殼裡的膽小鬼

每天躲在殼裡很爽嗎？不見天日的日子，大概只有你受得了，每天自怨自艾，老是覺得別人在害你，這種愛作夢的習性，根本就是一個超級自虐狂！因為你根本沒那麼重要，值得別人加害於你。但是這種隨時附和別人的習性，只為求得別人多一點關懷，多一點憐憫，說穿了就是沒自信，永遠需要靠別人的一點點認同度日，真是可悲到極點。世界上沒有一個人讀同一本聖經，所以請不要用你心中的那把尺去衡量別人，沒有人天生應該去接受另一個人的價值觀，也不應該被別人改變，所以請不要在你無法改變別人時，就覺得都是別人狠心要傷害你，因為世界不是你一個人的，如果你覺得別人不照你設定的路走，並不代表他心中就沒有你或不尊重你，如果還老是覺得受傷，告訴你，那是自找的！無聊加三級的後果！理性一點好嗎？情感過剩叫無知，如果世上每個人都跟你一樣只聽情緒的話，那麼這個世界肯定不會進步，還會到處充滿戰爭，走倒退路，不承認對吧？麻煩你去問一下賓拉登跟小布希是啥星座的，再來反對我不遲！星座學上常說巨蟹座的人最有母愛，但是，母親的偉大，與你何干？我看母親的昏庸與縱容，跟你的性格比較像吧！在感情的路上，你超昏庸！還沒搞懂對手幾分真，自己幾兩重，就陷下去無法自拔。吃東西時，你又超縱容，縱容自己吃得跟豬一樣，也不覺得可恥！記恨是你的長處，再小的芝麻小事，你也可以記它個二十輩子，不管別人是不是已經跟你道過歉了，還是早就跟你解釋清楚了，還是根本是一個小小的無心之過，你皆不放過一丁點記恨的機會，你儘管記吧！儘管恨吧！反正你恨到死在路邊也沒人會理你，你這個自卑又自憐的傢伙，記住，可憐之人必有可恨之處！

獅子座　拿掌聲當氧氣的渾球

世界上最差的領導人就是你，因為你是一個只在乎自己爽不爽的渾蛋，怎麼可能成為一個統帥三軍的領袖呢？別作夢了！再等三輩子吧！是誰說你可以成為一個明星的？這麼不可信的謊言你也信？真是好?F加三級，昏庸加三級！誰都看得出來你只是愛作秀罷了，而且是不管別人愛不愛看，想不想看，現在有沒有空或心情看，你都照秀不誤，除了說你自私自大且無自知之明外，還有更貼切的形容嗎？我知道面子對你很重要，但你有沒有想過，為了固好面子，你往往將別人的顏面狠狠的踩在腳下，深深傷害了那些真正對你好的人，真的是很渾ㄝ！你是一個聽不懂人話的人，什麼意思？因為你一向只關心自己要講什麼，而從不去聽懂別人到底要說什麼，想要表達的是什麼。說明白一點，你還真是萬獸之王，只有獸性，沒人性。昏庸是你終其一生的優勢，由於永遠拒絕看清事實的真相，所以很容易被騙，被有心人操縱，但你還是樂在其中，因為你就喜歡那種要人命的甜言蜜語，聽了不用錢，還能讓你飄飄欲仙，這就是為什麼到老你都還死樂觀的原因，因為你都一直以為自己是最優秀的，哈哈，真替你感到可悲！你永遠在談戀愛，陘偵礡H因為你永遠會被甩且永遠無法得知你伴侶離開你的真正原因，然後就一直換對象，所以你永遠在談戀愛，還自以為自己很有魅力咧。抗議了對吧！明明就是你甩別人的，不是嗎？相信我，當你的愛人不要你時，為了儘速脫離苦海，他們會想進一切辦法騙你這個大笨蛋，包括做一些很惹你厭的行為，讓你誤以為是自己先受不了他，非甩掉他不可，但你又錯了，其實你早就被設計了。所以別自抬身價了，事情不是你想像中那樣的！聽懂了沒？記住：想要控制別人者，恆被控之！

處女座　目光如豆的可憐蟲

批評成癖，對任何人都沒好處，OK？世界上只有精神病患有資格一直碎碎念，OK？其實，處女座還真值得人同情，因為沒有安全感，只好用碎碎念來發洩，當然，也有不講話的處女，千萬不要以為這是他的本性，這只代表了，第一，他跟你不熟還沒能完全信任你，第二，他正在拿悶騷保護自己。討人厭的是，騷就騷啦，還裝個超完美的死樣子。我知道你骨子裡很希望別人把你當成一個正人君子看待，但是，你明明就不是啊，充其量只是假道學罷了！你真的以為你什麼都懂嗎？什麼事都應該剁得碎碎的來檢驗嗎？永遠覺得別人有問題，值得拿來好好分析就很高明嗎？告訴你，目光如豆真的是你的敗筆，因為沒有人像你一樣永遠只在乎細節，且一輩子看不見方向。你永遠得不到?A想要的愛情，因為縱使你口口聲聲說自己愛得有多深，但你心中真正愛的那個人，一定會被你嚇跑，不嚇跑也被唸跑！你到死也學不會，愛的真諦叫包容，不叫挑剔。跟一個人和平共處一輩子，雖然是你的夢想，但它真的只會是你的夢想，你永遠也不可能跟別人和平共處一個月，更何況是一輩子！因為你眼中只能看得見別人的缺點，任何人在你面前都是笨蛋，沒有人事情做得比你好，那你就自己做啊，做死你好了，你這個死勞碌命！講話超難聽，明明你沒惡意，甚至是好意，但每件事經由你的金口一開，莫名其妙就矗立了一堆敵人，真有一套，真令人稱奇！世人皆無如你一般轟走別人的超能力！

天秤座　永遠失衡的秤子
　
凡事講求平衡叫做沒重點。老想要對所有人公平，結果就是讓所有人都覺得不公平！什麼都想要的結果就是什麼都要不到！你有一種超變態的討好人的壞習慣，永遠在試圖演出別人心中的大好人，結果只成為一個超級大爛人，口口聲聲說不在乎別人的看法，但表現出來的卻是超在意所有人對你的一點點小意見，超級無聊到底。你幾乎無法獨處，原因有幾項：第一、你很懶，?p果沒人幫你倒水，肯定你會渴死；沒有別人照顧，你家就是一個垃圾場！第二、你很怕寂寞，從不懂一個人該如何自處！還有，你老有一種無聊至極的正義感，好像在伸張正義、濟弱扶傾，但卻常常導致一些沒必要的爭執，影響了不少原本沒意思要爭吵的人，也跟你加入了一場沒有的戰火中，結果原本可以和平落幕的事件，卻因為你跳出來發言，導致沒抓狂的人抓狂，已抓狂的人發瘋！可悲的是，所有人還推舉你為英雄，以為你在幫他們爭取福利，其實，你只是沒膽跟惡勢力對抗，就找一堆人來墊背！害了別人，還不以為意，居然光明正大的當起工會領袖來了，真是可惡到家！你到處亂放電的下流習性，真可謂世界第一！還有，你那種可以在A情人面前講B情人如何如何卻神態自若的德性，看了真叫人想扁你！你真的以為別人都不知道你在搞啥東東嗎？不過是想要證明自己有多厲害，可以搞定別人搞不定的狀況罷了！但是，這叫厲害嗎？這叫''不知廉恥''！清楚了嗎？還裝無辜，都是別人愛上你的，所以都不是你的錯！沒肩膀的爛傢伙！

天蠍座　天生疑心病的冷血動物

在你眼中，別人都是低等動物，但你可能不知，在別人眼中，你連動物都不如！一天到晚懷疑別人，這樣很過癮嗎？告訴你，你沒那麼偉大，沒人有空一天到晚編故事，只是為了欺騙你！所以，拜託你收起你的自動掃毒系統，因為你才是那個最毒且最該被懷疑的人！計較是你的優點，自私是你的終身職，小氣更是你的特色，像你這種沒血沒眼淚的渾蛋，真的應該被發配邊疆，等到哪天連水都沒得喝的時候，你可能才會知道惜緣惜福，而不是一再的批評、批評再批評！有人說你很有大將之風是吧！是啊！是啊！但是你身邊也只是一堆狗奴才，因為除了唯唯諾諾能保住一條小命之外，根本就不可能有任何一個將才受得了你的死脾氣，而會繼續待在你這個不知尊重別人的渾球身邊！利用別人也是你的才華，凡是在你身邊的每個人，一定皆有其利用價值，不管是買便當的、當司機的、掃地的，還是當幕僚的、幫你出餿主意的、幫你付錢或賺錢的，甚至是無怨無悔被你罵的，每一個人都一定有個什麼作用，但可悲的是，當這些人的利用價值不見的時候，也就是他們被你一腳踢開的時候！世上像你這種死沒天良的惡毒份l還真不多見，但是，不能再說你惡毒了，因為你甚至會覺得這是一種讚美，可能還會狂笑三聲，真是個沒心沒肝的死變態！你的愛情觀很低級，沒事就會找一個對眼的目標，問他要不要跟你上？如果人家不答應，你就頭也不回的走了，好像人與人之間只有性，別無其他！像這種只有低等動物才幹得出來的事你也做，真是丟死全人類的臉！

射手座　沒骨氣的落跑大王

少一根筋有啥好驕傲的，少蠢了好不好！一個太直接的人叫作笨好嗎？不是凡事一針見血就有效！你沒聽過欲速則不達嗎？這些致命的缺點，通常射手身邊的人都很清楚，只有射手自己不清楚！因為少一根筋的關係，導致做事瞻前不顧後，說話總是有口無心，傷害了不少至親摯友，但自己仍渾然不知。你最厲害的一招是，當你把一件好好的事情搞砸的時候，自己卻當起第一個落跑的人，真的是旋風小飛俠，來無影去無蹤，不知你身在何方，天良何在！超級自戀狂，從不知鏡子對你的作用是啥？反正照了也沒用，因為你是一個永遠看不見自己缺點，厚臉皮到家的人！當射手眼中有一個目標的時候，世界就只剩下那一個目標，導致你完全感覺不到週遭到底發生了啥事?A天塌下來也與你無關！沒看過記憶力太差，還把它當作自己的優點，拿來驕傲地掛在嘴邊一直講的傻蛋，諸不知世上十個忘了關瓦斯的人九個是射手座的笨蛋；十個把小孩帶出門，忘了帶尿片跟奶瓶的人九個是射手座的蠢蛋；但是，十個到機場九個忘了帶護照的，就絕對不會是射手，因為出去玩這檔事，射手可從來沒馬虎過！你個愛情觀就別提了吧！因為你從來都只有三秒鐘的專情能力，一看到新貨就像惡虎撲狼一樣的撲過去，絲毫不知羞恥，然後連對老情人說拜拜都沒有，又是一溜煙的消失，不負責任到家！還有，花也就算了，卻連說謊的本事也沒有，老是被抓苞，什麼唇印、戲票、給別人的情書啦，通通都留在身上，真是個凡走過必留下痕跡的大白痴！

魔羯座　無趣到死的木頭人

當一個魔羯座的人真的蠻可憐的，不只身邊的人會因為覺得你太無趣而離開你，連你自己都受不了再繼續過這種了無新意的生活，卻無能為力改變這種現狀，真是可悲到家！因為永遠不知變通，所以只好墨守成規，畫地自限，但可憐的是，偏偏魔羯又是世上野心最大的人，所以常常有一種為什麼別人沒有視我為最重要人物的不平之鳴，因為自己沒種，只敢想卻又不敢表達出來，所以長期壓抑下來的結果，不是得了憂鬱症，就是變成變態狂！別傻了！沒人會同情你的，因為你這種死悲觀，到老也改不了，所以誰也懶得理你！永遠活在過去的成就跟陰影當中，以苦為樂，常看到一個魔羯不是在說''想當初我過得多苦，哪有像你現在過得那麼好命''；就是在說''想當初，我經過了多少努力，如何才功成名就''那種把自身的痛苦誇大並保存的能力無人能敵，而且越老越嚴重！悶也就算了，還老愛教訓人，教訓人也就算了，還毫無創意，永遠說著同樣的訓辭，三百條原則壓死自己還不夠，還要壓死那些你身邊的親朋好友，拜託，人生苦短，你要自己活在痛苦中真的隨便你，但請不要用你自己訂出來的教條，去要求無辜的人，OK？一個太無趣的人，怎麼可能有愛情？所以，等下輩子吧！看看到老，有沒有辦法被你等到那種心地善良得要死的好人，願意跟你在一起，而且是只為了你的財產！當然，你還是得感激他，因為畢竟為了錢得忍受一生無聊也是不容易的事！

水瓶座　聽不懂人話的外星人

基本上，水瓶座來自別的星球，你不是地球人，不說地球話！當然也聽不懂別人在說啥，因為全都跟你無關！千萬別稱水瓶為怪胎，他會洋洋得意，不能自己，因為他才懶得跟這一群凡人一樣，他寧願當個異類，也不願意被當個正常人一般看待，所以，當你發現一個怪胎，千萬別懷疑，他一定是水瓶座！老自以為是天才，卻做出蠢材的行為，水瓶的一生職志永遠在改變而且令人不恥，不是立志當個情婦、小白臉，就是賺到一大筆錢然後拿去月球走一遭，或是去住到難民區，餓死了也沒關係，這一切只為了跟別人不一樣。像你這種以自我為中心的渾蛋，一付無父無母、沒大沒小，沒分寸慣了的死小孩，鐵定一天怎麼死在路邊的都沒人知道！你從不關心別人對你的想法，永遠只做自己想做的事，所以你的親人很倒楣，常遭池魚之殃，因為當你一再不斷闖禍，又不肯承認自己有錯的時候，擦屁股的永遠是你可憐的家人，而你卻還置身事外，一付事不關己的死嘴臉！博愛是拿來對全人類的，不是拿來對待你的愛情的，OK？你的情人就算哭死也改變不了你花心的事實，但可恨的是，花就花了，還美其名為博愛，聽了就覺得欠揍！甚至還覺得別人哭死活該，''誰叫他自己愛，又不是我逼他的！''像這種沒天良的話也只有水瓶說得出來！甚至還會覺得自己很偉大，一個成長的機會，事過境遷，就忘了自己給別人的傷害，還敢繼續聯絡，自認為別人還是他一輩子的朋友！真是個標準的大渾蛋！

雙魚座　沒長腦的稀有動物

超級幻想主義加現實主義的綜合體，如果說你是浪漫主義，還真汙辱了浪漫兩個字！因為你的浪漫只用在你自己的腦袋跟你淚汪汪的眼框裡，從來就沒有實踐過，因為你根本沒有能力。所以你只有幻想，沒資格說浪漫！但奇怪的是，你又超現實，跟別人算錢的時候你可一點都不含糊，那種算計的嘴臉，也叫人看了終身難忘！世上如果有一種獎叫作''毫無道德獎''，你一定是首獎的領受者，因為你一直都沒有受過美德教育，所以在你身上，除了人性的陰暗面，其他都看不見，什麼藥物啦、酗酒啦、姦情啦，凡跟醜聞有關的事，大都跟你脫不了關係，真是令人崇拜！情緒主導了你的一生，真是令人感到可悲，因為你怎麼也學不會用一丁點的理智來幫助你淒慘的人生，到老死的時候，還會認為你們家壞掉的洗衣機，只是為了跟你做對，才故意不讓你洗衣服！瘋到這種?{度，連三歲小孩都會因為你的無知，替你感到難過！因為情緒加無知，導致你的生活完全操控在別人手裡，別人永遠不知哪句話已經得罪你的哪條神經，不過也沒關係，因為你這個無聊份子，在剛發完誓說自己永遠不理某某某的同時沒多久，又馬上原諒了那個剛剛被你詛咒的人，天啊！這種人格分裂，只有你自己受得了！你是個花痴，濫情加三級！永遠用一種曖昧不清的態度，對待所有週遭的人，只要是人你都不放過，有時連路人你都可以放電，毫無原則的處理感情這檔事，等闖禍了就哭，以為淚水攻勢可以解決一切，等到情人受不了要離開你了，你還想要找道士，用一些奇怪手段挽回愛情，真變態！自以為在拍電影，永遠活在霧中，不知悔改的死傢伙！

Aptitude Test

2004-08-27T16:43:00.000+08:00

今日收到呢個Email來的Aptitude Test，我未玩呀不過blog左先唔好執輸：

這是一個目前流行在很多大公司人事部門實際採用的測試，準確得令人吃驚。請先拿筆記住這十題選的答案，再對照分數相加總合? 請記住：選擇答案時應是依據現在的你，目前的狀況為準，而不要依過去的你，且不要猶豫。

＊＊＊＊＊＊＊＊＊＊＊＊＊＊＊＊＊＊＊＊＊＊＊

1.你何時感覺最好？
a)早晨 b)下午及傍晚 c)夜

2.你走路時是……
a)大步的快走 b)小步的快走 c)不快，仰著頭面對著世界 d)不快，低著頭 e)很慢

3.和人說話時，你……
a)手臂交疊的站著 b)雙手緊握著 c)一隻手或兩手放在臀部 d)碰著或推著與你說話的人 e)玩著你的耳朵、摸著你的下巴、或用手整理頭髮

4.坐著休息時，你的……
a)兩膝蓋併攏 b)兩腿交叉 c)兩腿伸直 d)一腿卷在身下

5.碰到你感到發笑的事時，你的反應是……
a)一個欣賞的大笑 b)笑著，但不大聲 c)輕聲的咯咯地笑 d)羞怯的微笑

6.當你去一個派對或社交場合時，你……

a)很大聲地入場以引起注意 b)安靜地入場，找你認識的人 c)非常安靜地入場，儘量保持不被注意

7.當你非常專心工作時，有人打斷你，你會……
a)歡迎他 b)感到非常惱怒 c)在上兩極端之間

8.下列顏色中，你最喜歡哪一顏色？
a)紅或橘色 b)黑色 c)黃或淺藍色 d)綠色 e)深藍或紫色 f)白色 g)棕或灰色

9.臨入睡的前幾分鐘，你在床上的姿勢是……
a)仰躺，伸直 b)俯躺，伸直 c)側躺，微卷 d)頭睡在一手臂上 e)被蓋過頭

10.你經常夢到你在……
a)落下 b)打架或掙扎 c)找東西或人 d)飛或漂浮 e)你平常不做夢 f)你的夢都是愉快的

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

現在將所有分數相加，再對照後面的分析^^"
〔分數〕
1. (a) 2 (b) 4 (c) 6
2. (a) 6 (b) 4 (c) 7 (d) 2 (e ) 1
3. (a) 4 (b) 2 (c) 5 (d) 7 (e) 6
4. (a) 4 (b) 6 (c) 2 (d) 1
5. (a) 6 (b) 4 (c) 3 (d) 5
6. (a) 6 (b) 4 (c) 2
7. (a) 6 (b) 2 (c) 4
8. (a) 6 (b ) 7 (c) 5 (d) 4 (e) 3 (f)2 (g) 1
9. (a) 7 (b) 6 (c) 4 (d) 2 (e) 1
10.(a) 4 (b) 2 (c) 3 (d) 5 (e) 6 (f)1

【低於21分：內向的悲觀者】
人們認為你是一個害羞的、神經質的、優柔寡斷的，是須人照顧、永遠要別人為你做決定、不想與任何事或任何人有關。他們認為你是一個杞人憂天者，一個永遠看到不存在的問題的人。有些人認為你令人乏味，只有那些深知你的人知道你不是這樣的人.

【21分到30分：缺乏信心的挑剔者】
你的朋友認為你勤勉刻苦、很挑剔。他們認為你是一個謹慎的、十分小心的人，一個緩慢而穩定辛勤工作的人。如果你做任何衝動的事或無準備的事，你會令他們大吃一驚。他們認為你會從各個角度仔細地檢查一切之後仍經常決定不做。他們認為對你的這種反應一部分是因為你的小心的天性所引起的。

【31分到40分：以牙還牙的自我保護者】
別人認為你是? @個明智、謹慎、注重實效的人。也認為你是一個伶俐、有天賦有才幹且謙虛的人。你不會很快、很容易和人成為朋友，但是是一個對朋友非常忠誠的人，同時要求朋友對你也有忠誠的回報。那些真正有機會瞭解你的人會知道要動搖你對朋友的信任是很難的，但相等的，一旦這信任被破壞，會使你很難熬過。

【41分到50分：平衡的中道】
別人認為你是一個新鮮的、有活力的、有魅力的、好玩的、講究實際的、而永遠有趣的人；一個經常是群眾注意力的焦點，但是你是一個足夠平衡的人，不至於因此而昏了頭。他們也認為你親切、和藹、體貼、能諒解人；一個永遠會使人高興起來並會幫助別人的人。

【51分到60分：吸引人的冒險家】
別人認為你是一個令人興奮的、高度活潑的、相當易衝動的個性；你是一個天生的領袖、一個做決定會很快的人，雖然你的決定不總是對的。他們認為你是大膽的和冒險的，會願意試做任何事至少一次；是一個願意嘗試機會而欣賞冒險的人。因為你散發的刺激，他們喜歡跟你在一起。

【60分以上：傲慢的孤獨者】
別人認為對你必須「小心處理」。在別人的眼中，你是自負的、自我中心的、是個極端有支配欲、統治欲的。別人可能欽佩你，希望能多像你一點，但不會永遠相信你，會對與你更深入的來往有所躊躇及猶豫。測試一下自己!

William Hung靚仔相

2004-08-27T01:42:00.000+08:00

今日收到個流傳的Email，有張話係William Hung的學生相。呀，但係點解瘦咁多？其實我都唔知呢張相係真定假，定係移花接木相。不過"立"下眼，好似我一個都係讀UC Berkeley的老死。等我都叫佢來呢個blog睇下係咪咁似。

William Hung 靚仔相

係呢，如果你地收到d得意既流傳Email，都可以forward俾我，一齊分享呀。我會將d得意野貼埋上來，你地得閒上來check下啦。

一網打盡主題曲

2004-08-27T00:02:00.000+08:00

講開主題曲，等我都blog左一網打盡首主題曲先：

一網打盡主題曲

曲：Desmond Ho
詞：Vivien
唱：Vivien

脈膊跳躍變迅速
就像掉入峽谷
慢步時空高瞻遠足
電腦接上已滿足
互動尋求幸福
地域無阻雙方接觸

想模擬出千種氣氛
模擬出一千替身
穿梭於網絡遊戲最吸引

留心一網打盡求新知
和你網上接觸一click即會開始
全新資訊給你無終止
和你接上脈搏也相似
Come with me瞬間都變得很有意思
Come share with me 網上傳情意

電子神童

2004-08-26T01:28:00.000+08:00

廿幾歲的人一定睇過電子神童卡通。其實呢，套卡通係來自漫畫，咁最經典場面就梗係呀神童打機打到雙腳離晒地，勁過做Yoga，仲有呀，對眼仲有火呀(唔係$$呀)。

其實我在電台用電子神童呢個名/環節名，都係華夫諗的，之前個jingle佢仲作埋咩"天使雙手，魔鬼速度"呢d怪野。鬼咩佢老人家係電子神童年代，梗係出呢d名啦。我本來話不如用埋卡通首主提曲做jingle，佢竟然話老土，呀，呀，真係，一係老土就老土晒，先夠vintage呀。不過呢，家陣都到左用第二代jingle，但間唔中都會播舊果個"天使雙手，魔鬼速度"既，大家可以留意下。

咁，原先首歌係點呢？真正電子神童又係咩樣？其實我就無咩印像，不過上網就search到d漫畫封面同胡渭康唱果首主題曲的歌詞。仲有呀完來仲有首插曲，係梅艷芳主唱架。但你真係唔好問我點唱，因為我真係唔識唱無印像：

電子神童主唱: 胡渭康

呀呀總要定
呀呀總要定
人同電腦邊個醒
閃閃發亮當我打緊TV GAME
看看你地誰能及我咁勁
打關斗更勁叻過翻生馬騮精
看這兩雙哨門牙生得多麼醒
能用怪招我負盛名
如用怪招招招都應
轉呀轉轉呀轉
我可探月與星
招招都咁醒手急眼快夠衝勁
很花腦筋我原是電腦剋星
呀呀總要定呀呀總要定
遊戲機剎星

電子神童插曲
一股歪風
主唱: 梅艷芳

這一股歪風氣象台都給嚇倒
歪風霸道誰亦壓倒
怎可以想得到
毫無疑問這是人製造
卻多麼霸道
太平洋上風要興起
即捲起千里浪濤
這一股歪風懶惰蟲的好法寶
將光陰耗盡忘掉進取
它使你盡快退步
毫無疑問這是人製造
這歪風很霸道
正在蹂躪海角小島
跟著闖向赤道
低氣壓低氣壓
怒似雷暴這熱潮又似巨風
掀起了巨浪濤

電子神童

乒乓狂熱

2004-08-24T00:56:00.000+08:00

上星期六應承大家話會介紹個乒乓Game，你知啦香港得了乒乓男雙銀牌，就當然有一陣乒乓狂熱。

這一個像真度極高的3D乒乓球mini game，就是Ping Pong。這個Game採用淘汰制，你勁的話打三場就可以得金牌。最特別的地方，係你可以選擇場地及波板，有些球拍power較大，有些嘛，落西會勁少少，視乎你個人喜好。最正的就係音效，乒乓球的聲音非常真實，大力拍落去真係會大聲好多。

球賽係打21分，邊個打夠21分就贏。其實，真係唔易玩，你可以試下挑戰挑戰。

玩法：
只需用mouse，開波只要放在你認為適合的位置，click一下就開波。打的時後只要用mouse移動球拍，不用click，但若要落西，就要將個拍轉動一下。

網址：http://www.candystand.com/games/gamepage.aspx?gameid=281

Ping Pong

其他運動好game推介：

Ice Skating
控制靚女運動員玩花式溜冰，要控制到佢每去到冰場上的標記就要跳，控制方法就係當佢就快去到個標記時就click住個mouse，拉向上，再放開個mouse click。

You Know it Sports Trivia
體育常識問答，自問勁過伍晃榮、韓郁霞的可以挑戰一下。

Shockwave Hockey
冰上曲棍球，可單打或雙打。

2 Minute Football 3D
兩分鐘的美式足球，好玩在可以自己設計頭盔，仲可以當rading card同人交換你隊team的特性。

英超經理人大賽
扮演英超聯經理人，管理球隊買賣球員。

Planters Slam Dunk
入樽game，反手入樽非常型仔。

大家有好的運動Game介紹，記得要留言，唔好咁孤寒，同聽眾分享一下嘛。

新開張

2004-08-23T15:04:00.000+08:00

玩Blog都有一段日子，新開此Blog是希望跟聽眾及愛玩免費minigame的人交流一下。從今日起我會在此將一網打盡節目內所介紹的minigame web site貼出來，方便大家搜尋。另外，我亦會在此跟大家作互動交流上網找到的新奇東西，說不定下星期六的節目內容會有你的參與呢!

香港太少Bloggers，我想我有責任順道出些少力將如此in的internet工具帶給聽眾，大家有任何問題，歡迎留言或Email給我!

順帶一提，一網打盡的播放時間為逢星期六黃昏6點至8點。我的環節會在7點後開始，大家記住扭去香港電台第二台收聽。若果錯過的話，可在香港電台網站的節目重溫archive內找到一年內的節目完整錄音網上版。

電子神童

moShow正式啟播！

我地返來喇!

多謝各位聽眾支持

sooff.com網上有個家

星期六一網打盡最後一輯RTHK Radio 2見

Stackopolis

我的Homepy

彈蛋人

Guess-the-Google

逃出博物館

RuneScape

全職殺手

Panda Craze

變態射人Game

加數Game

Mario Shooter

又有Gmail送

情人節應節Games

恭賀新禧

超人特工隊

NetMazta第二期出左喇!

腸蛋麵呀唔該!

Capoeira Fighter 3

Trend Micro送出PC-cillin 2005 Internet Security

Reversi

我會出現在NetMazta

功夫

「資訊科技界關懷海嘯災民賑災行動」瞬間引起業界迴響

愛心無國界 短訊傳關懷 (SMS短訊捐款)

請捐助海嘯災民

鯊魚大話王

The Polar Express

DIY砌圖聖誕卡

網絡航海時代

環球免費SMS

玩Game抗衰老

飛行服務隊

又送禮-預告

童年回憶-波子棋

超班解迷game

掉磚頭

雞, Robot -智能胖雞

密室走佬事件

韓國燒烤

轟天戰士決戰未來世紀

你的英文名

送飛喇

估估估圖

你都有日文名

Gmail派晒+下期獎品預告

送$100學音樂禮券

撲蝶

小心網上騙局

多謝支持，更多獎品陸續有來

瘋狂金魚缸

哀悼俄羅斯恐怖活動中的死難孩童

送Gmail+本周update

拱橋高手

星座惡評

Aptitude Test

William Hung靚仔相

一網打盡主題曲

電子神童

乒乓狂熱

新開張

愛心無國界短訊傳關懷 (SMS短訊捐款)